ദക്ഷിണ ആന്ഡമാന് കടലിലും അതിനോട് ചേര്ന്നുള്ള തെക്ക്കിഴക്കന് ബംഗാള് ഉള്ക്കടലിലുമായി ന്യൂനമര്ദം രൂപം കൊണ്ടതായി കേന്ദ്ര കാലാവസ്ഥ വകുപ്പ് അറിയിച്ചു. വളരെ പതുക്കെ മാത്രമാണ് ന്യൂനമര്ദം ശക്തി പ്രാപിക്കുന്നത്. അടുത്ത 48 മണിക്കൂറില് ന്യൂനമര്ദം ശരിയായ രീതിയില് വികസിക്കുകയും ശേഷമുള്ള 48 മണിക്കൂറില് അതൊരു ശക്തമായ ന്യൂനമര്ദം (Depression) ആയി മാറുമെന്നും പ്രതീക്ഷിക്കുന്നതായി കാലാവസ്ഥാ വകുപ്പ് അറിയിച്ചു.
മെയ് 5 വരെ വടക്ക് പടിഞ്ഞാറ് ദിശയില് ന്യൂനമര്ദം സഞ്ചരിക്കുമെന്നാണ് പ്രതീക്ഷിക്കുന്നത്.നിലവില് കേരളത്തെ ഈ ന്യൂനമര്ദം സ്വാധീനിക്കാനുള്ള സാധ്യതയില്ലെന്നും കേന്ദ്ര കാലാവസ്ഥാ വകുപ്പ് അറിയിച്ചു .