ന്യൂഡല്‍ഹി: അയോധ്യയിലെ രാമക്ഷേത്ര നിര്‍മാണം കേന്ദ്ര സര്ക്കാരും ഉത്തര്‍പ്രദേശ് സര്ക്കാരും ഏറ്റെടുക്കുന്നതിനെതിരേ വിമര്‍ശനവുമായി സിപിഎം. സുപ്രീംകോടതി വിധിയുടെ ലംഘനമാണ് നടക്കുന്നതെന്നും അയോധ്യയില്‍ രാമക്ഷേത്ര ട്രസ്റ്റ് കാര്യങ്ങള്‍ നടത്തട്ടെയെന്നും സിപിഎം വ്യക്തമാക്കി.
മതവികാരം ചൂഷണം ചെയ്യാനുള്ള ശ്രമം ആരുടെ ഭാഗത്തുനിന്ന് ഉണ്ടായാലും അതിനെ ചെറുക്കണമെന്നും സിപിഎം ആവശ്യപ്പെട്ടു. അയോധ്യയില്‍ ഈ മാസം അഞ്ചിന് രാമക്ഷേത്രത്തിനുള്ള ഭൂമി പൂജ നടക്കാനിരിക്കെയാണ് സിപിഎമ്മിന്‍റെ പ്രതികരണം ഉണ്ടായിരിക്കുന്നത്.
