അമേരിക്കയിലെ മാളിൽ നടന്ന വെടിവയ്പ്പിൽ 9 പേർ കൊല്ലപ്പെട്ടു. വടക്കന്‍ ഡള്ളാസിലെ മാളിലാണ് കഴിഞ്ഞ ദിവസം വെടിവയ്പ്പ് നടന്നത്.അക്രമിയെ പൊലീസ് വധിച്ചു.മാളിനകത്ത് നിന്ന അക്രമി പുറത്തേക്ക് വെടിവയ്ക്കാൻ ശ്രമിച്ചതോടെയാണ് പൊലീസ് അയാളെ കൊലപ്പെടുത്തിയത്. എന്നാൽ മാളിലെ സുരക്ഷാ ഉദ്യോഗസ്ഥരല്ല ഇയാളെ നേരിട്ടത്.
ആ സമയം മാളിലെത്തിയ മറ്റൊരു പൊലീസുകാരൻ അക്രമിയെ പിന്തുടര്‍ന്ന് വെടിവെച്ചു വീഴ്ത്തുകയായിരുന്നു.യു.എസ്. സമയം വൈകീട്ട് 3.30-ന് അലന്‍ പ്രീമിയം ഔട്ട്‌ലെറ്റ്‌സ് മാളില്‍വെച്ചാണ് വെടിവയ്പുണ്ടായത്. വെടിവയ്പ്പിൽ ഏഴുപേർക്ക് പരിക്കേറ്റിരുന്നു. ഇവരെ വിവിധ ആശുപത്രികളില്‍ പ്രവേശിപ്പിച്ചു.
