അപകടത്തില് പരിക്കേറ്റ നടന് ഷൈന് ടോം ചാക്കോയുടെ നില തൃപ്തികരം. അപകടത്തില് നടന് കൈയ്ക്ക് പരിക്കേറ്റിട്ടുണ്ട്. ശസ്ത്രക്രിയ ആവശ്യമാണെന്നാണ് ഡോക്ടര്മാര് പറയുന്നത്. നിലവില് ധര്മ്മപുരി മെഡിക്കല് കോളേജില് ചികിത്സയിലാണ് ഷൈന് ടോം ചാക്കോ.
അപകടം നടക്കുമ്പോള് പിന്സീറ്റിലിരുന്ന് ഉറങ്ങുകയായിരുന്നു ഷൈന്. അമ്മയ്ക്കും സഹോദരനും ഡ്രൈവര്ക്കും പരിക്കേറ്റിട്ടുണ്ട്. എന്നാല് ആരുടെയും പരിക്ക് ഗുരുതരമല്ല. എറണാകുളത്ത് നിന്ന് ബെംഗളൂരുവിലേക്ക് ചികിത്സയ്ക്ക് പോകവേയായിരുന്നു അപകടം.
ആശുപത്രിയില് നിന്നുള്ള ചിത്രങ്ങള് പുറത്ത് വന്നിട്ടുണ്ട്. അപകടത്തില് പിതാവ് ചാക്കോ മരിച്ചിരുന്നു. കാറിന്റെ മധ്യഭാഗത്താണ് പിതാവ് ഇരുന്നിരുന്നത്.
