യുവനടിയെ പീഡിപ്പിച്ചെന്ന കേസില് പ്രതിയായ നടനും നിര്മ്മാതാവുമായ വിജയ് ബാബുവിനെ ഇന്നും ചോദ്യം ചെയ്യും. രാവിലെ ഒമ്പത് മണിക്ക് എറണാകുളം സൗത്ത് പൊലീസ് സ്റ്റേഷനില് ഹാജരാകാനാണ് നിര്ദ്ദേശം നല്കിയിരിക്കുന്നത്. ഇന്നലെ 20 മണിക്കൂര് നീണ്ട ചോദ്യം ചെയ്യലായിരുന്നു. ചോദ്യം ചെയ്യലില് നടി തനിക്കെതിരെ ആരോപിച്ച ആരോപണങ്ങള് വിജയ് ബാബു നിഷേധിച്ചിരുന്നു. ചൊവ്വാഴ്ചവരെ വിജയ് ബാബുവിനെ അറസ്റ്റ് ചെയ്യരുതെന്ന ഹൈക്കോടതി നിര്ദ്ദേശമുണ്ട്.
പരാതിക്കാരിയെ സ്വാധീനിക്കാനോ, അവരെ കാണുവാനോ പാടില്ലെന്ന് കോടതി അറിയിച്ചു. അന്വേഷണവുമായി വിജയ് ബാബു സഹകരിക്കണമെന്നും അറിയിച്ചു. നിലവില് ഉപാധികളോടെ വിജയ് ബാബുവിന് ഇടക്കാല ജാമ്യം അനുവദിച്ചിട്ടുള്ളത്. സാമൂഹിക മാധ്യമങ്ങളിലും മറ്റ് മാധ്യമങ്ങളിലും പ്രതികരിക്കരുതെന്ന് നിര്ദ്ദേശമുണ്ട്.