കഴിഞ്ഞ 24 മണിക്കൂറിനിടെ രാജ്യത്ത് 63,371 പേര്ക്കുകൂടി കോവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 73,70,469 ആയതായി കേന്ദ്ര ആരോഗ്യമന്ത്രാലയത്തിന്റെ കണക്കുകള് വ്യക്തമാക്കുന്നു.
രാജ്യത്തുടനീളം ഇതുവരെ 1,12,161 പേരുടെ ജീവന് കോവിഡ് കവര്ന്നു. കഴിഞ്ഞ 24 മണിക്കൂറിനിടെ മാത്രം 895 മരണം റിപ്പോര്ട്ട് ചെയ്തു. 1.52 ശതമാനമാണ് രാജ്യത്തെ കോവിഡ് മരണനിരക്ക്.
വിവിധ സംസ്ഥാനങ്ങളിലായി 8,04,528 രോഗികള് നിലവില് ചികിത്സയിലുണ്ട്. 64,53,780 പേര് ഇതിനോടകം രോഗമുക്തി നേടി. ഇന്ത്യന് മെഡിക്കല് കൗണ്സിലിന്റെ കണക്കുപ്രകാരം വ്യാഴാഴ്ച വരെ 9.2 കോടിയിലേറെ സാമ്ബിളുകള് രാജ്യത്ത് പരിശോധിച്ചു.
കോവിഡ് ഏറ്റവും രൂക്ഷമായി ബാധിച്ച മഹാരാഷ്ട്രയില് നിലവില് 1,92,936 രോഗികള് ചികിത്സയില് തുടരുകയാണ്. കര്ണാടകയില് 1,13,557 പേര് ഇപ്പോഴും ചികിത്സയിലുണ്ട്. കേരളത്തില് 94,609 പേരും തമിഴ്നാട്ടില് 41,872 പേരും ആന്ധ്രയില് 40,047 പേരും ചികിത്സയില് കഴിയുന്നുണ്ട്.