തിരുവനന്തപുരം: മന്ത്രിമാര്ക്ക് കര്ശന താക്കീതുമായി മുഖ്യമന്ത്രി. മന്ത്രിമാര് ആഴ്ചയില് അഞ്ച് ദിവസമെങ്കിലും തലസ്ഥാനത്ത് ഉണ്ടാകണമെന്ന് മുഖ്യമന്ത്രി കര്ശനനിര്ദേശം നല്കി. ഇന്ന് ചേര്ന്ന മന്ത്രിസഭാ യോഗത്തിലാണ് മുഖ്യമന്ത്രി ഈ നിര്ദേശം നല്കിയത്.
കഴിഞ്ഞ ദിവസം ചേരാനുദ്ദേശിച്ചിരുന്ന പ്രത്യേക മന്ത്രിസഭാ യോഗം ക്വാറം തികയാത്തതിനെ തുടര്ന്ന് മാറ്റിവെച്ച സാഹചര്യത്തിലാണ് മുഖ്യമന്ത്രിയുടെ ഈ ഇടപെടല്.ഫെബ്രുവരി ഒന്പതിനായിരുന്നു മുഖ്യമന്ത്രി വിളിച്ച പ്രത്യേകമന്ത്രിസഭാ യോഗം ക്വാറം തികയാഞ്ഞതിനെ തുടര്ന്ന് ഉപേക്ഷിക്കേണ്ടി വന്നത്. സംസ്ഥാന ചരിത്രത്തിലെ ആദ്യസംഭവമായിരുന്നു ഇത്. .യോഗം മാറ്റിവെച്ചതോടെ ഓര്ഡിനന്സുകള് വീണ്ടും പുറപ്പെടുവിക്കാന് സാധിച്ചിരുന്നില്ല.വെള്ളിയാഴ്ച വിളിച്ചുചേര്ത്ത പ്രത്യേക മന്ത്രിസഭയില് മുഖ്യമന്ത്രിയടക്കം ഏഴു മന്ത്രിമാര് മാത്രമാണു പങ്കെടുത്തത്. ഇതിനാല് ഓര്ഡിനന്സ് പരിഗണിക്കുന്നതു മാറ്റിവയ്ക്കുകയായിരുന്നു.
ആറ് മന്ത്രിമാര് മാത്രമായിരുന്നു പ്രത്യേക മന്ത്രിസഭാ യോഗത്തിന് എത്തിയത്. 13 മന്ത്രിമാര്ക്ക് വിവിധ കാരണങ്ങളാല് പങ്കെടുക്കാന് ക കഴിയില്ലെന്ന കാര്യം ഇവര് നേരത്തെ മുഖ്യമന്ത്രിയെ അറിയിച്ചിരുന്നു..
സര്ക്കാര് അധികാരമേറ്റ സമയത്ത് തന്നെ മന്ത്രിമാര് ആഴ്ചയില് അഞ്ച് ദിവസം തലസ്ഥാനത്ത് ഉണ്ടാകണമെന്ന നിര്ദേശം മുഖ്യമന്ത്രി നല്കിയിരുന്നു.
