തിരുവനന്തപുരം: മനുഷ്യാവകാശ കമ്മീഷന് ചെയര്മാന് പി. മോഹന്ദാസിനെതിരേ രൂക്ഷ വിമര്ശനവുമായി മുഖ്യമന്ത്രി പിണറായി വിജയന്. മനുഷ്യാവകാശ കമ്മീഷന് എന്തും വിളിച്ചു പറയുന്ന മാനസികാവസ്ഥയിലാണ്. കമ്മീഷന് ചെയര്മാന് കമ്മീഷന്റെ പണിയെടുത്താല് മതിയെന്നും മന്ത്രിസഭാ യോഗത്തിനുശേഷം വാര്ത്താസമ്മേളനത്തില് മുഖ്യമന്ത്രി പറഞ്ഞു.
വരാപ്പുഴയില് ശ്രീജിത്തിന്റെ കസ്റ്റഡിമരണവുമായി ബന്ധപ്പെട്ട് അന്വേഷണം തൃപ്തികരമല്ലെന്ന് കമ്മീഷന് ചെയര്മാന് കഴിഞ്ഞ ദിവസം പറഞ്ഞിരുന്നു. ഇക്കാര്യത്തിലാണ് മുഖ്യമന്ത്രിയുടെ വിമര്ശനമുണ്ടായത്. നേരത്തേയുള്ള രാഷ്ട്രീയ നിലപാടിന്റെ ഭാഗമായി കമ്മീഷന് ചെയര്മാന് അഭിപ്രായം പറയരുതെന്നും മുഖ്യമന്ത്രി പറഞ്ഞു.
