മതപരമായ ഘോഷയാത്രകള് നിയന്ത്രിക്കാന് നിര്ദ്ദേശം നല്കണമെന്ന് ആവശ്യപ്പെട്ട് സമര്പ്പിച്ച പൊതുതാല്പര്യ ഹര്ജി സുപ്രീം കോടതി തള്ളി. മതപരമായ ഘോഷയാത്രകള് വര്ഗ്ഗീയ കലാപത്തിന് കാരണമാകുന്നു എന്ന് പറഞ്ഞാണ് മതപരമായ ഘോഷയാത്രകള്ക്ക് നിരോധനം ഏര്പ്പെടുത്താന് ഹര്ജിയുമായി എന്ജിഒ സിറ്റിസണ്സ് ഫോര് ജസ്റ്റിസ് ആന്ഡ് പീസ് സുപ്രീംകോടതിയില് എത്തിയത്.
സംസ്ഥാനങ്ങളുടെ കീഴിലുള്ളതാണ് ക്രമസമാധാന പരിപാലനം. ഈ കാര്യത്തിലേക്ക് സുപ്രീം കോടതിയെ അനാവശ്യമായി വലിച്ചിഴയ്ക്കേണ്ടതില്ലെന്ന് ചീഫ് ജസ്റ്റിസ് ഡി വൈ ചന്ദ്രചൂഡും ജസ്റ്റിസ് പി എസ് നരസിംഹവും അടങ്ങുന്ന ബെഞ്ച് വ്യക്തമാക്കി.
സുപ്രീം കോടതിക്ക് മാത്രമേ എന്തെങ്കിലും ചെയ്യാന് കഴിയൂ എന്ന് എന്ജിഒയ്ക്ക് വേണ്ടി മുതിര്ന്ന അഭിഭാഷകന് സി യു സിംഗ് പറഞ്ഞുമതഘോഷയാത്രകള് മൂലം വീണ്ടും വീണ്ടും സംഘര്ഷങ്ങള് ഉണ്ടാകുകയാണെന്നും അധികാരികള് തങ്ങളുടെ ഉത്തരവാദിത്തത്തില് നിന്ന് ഒഴിഞ്ഞുമാറുകയാണെന്നും സിംഗ് പറഞ്ഞു, മതപരമായ ഘോഷയാത്രകളില് കലാപ പരമ്പരകള് ഉണ്ടാകുന്നുവെന്നും അഭിഭാഷകന് സി യു സിംഗ് പറഞ്ഞു.
