ന്യൂഡല്ഹി: അയോധ്യയില് രാമക്ഷേത്രം നിര്മിക്കുന്നതില്നിന്നും ബിജെപി സര്ക്കാര് പിന്നോട്ടില്ലെന്ന് പാര്ട്ടി നേതാവ് സുബ്രഹ്മണ്യന് സ്വാമി. ഇന്നല്ലെങ്കില് നാളെ ബിജെപി രാമക്ഷേത്രം നിര്മിക്കുമെന്നും അദ്ദേഹം പറഞ്ഞു.
2019 ലോക്സഭാ തെരഞ്ഞെടുപ്പിന് മുന്പ് ബിജെപി രാമക്ഷേത്രം നിര്മിക്കും. ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് പറഞ്ഞത് ശരിയായ കാര്യമാണെന്നും സുബ്രഹ്മണ്യന് സ്വാമി കൂട്ടിച്ചേര്ത്തു.
അയോധ്യയില് രാമക്ഷേത്രം പണിയുന്നതിനു പ്രതിജ്ഞാബദ്ധമായ ഏക പാര്ട്ടി ബിജെപിയാണെന്നായിരുന്നു യോഗി ആദിത്യനാഥിന്റെ പ്രസ്താവന. മറ്റു രാഷ്ട്രീയകക്ഷികള് ആളുകളെ ആശയക്കുഴപ്പത്തിലാക്കാനാണു ശ്രമിക്കുന്നത്. എപ്പോഴാണോ ആവശ്യമുയരുന്നത് അപ്പോള് രാമക്ഷേത്രം നിര്മിക്കുമെന്നും യോഗി പറഞ്ഞിരുന്നു.
