തിരുവനന്തപുരം: ബന്ദിപ്പൂര് രാത്രിയാത്ര നിരോധനവുമായി ബന്ധപ്പെട്ട വിഷയങ്ങള് ചര്ച്ച ചെയ്യാന് വയനാട് എംപി രാഹുല് ഗാന്ധിയുമായി മുഖ്യമന്ത്രി പിണറായി വിജയന് ഇന്ന് ഡല്ഹിയില് കൂടിക്കാഴ്ച നടത്തും. രാത്രിയാത്രാ നിരോധനത്തില് പരിഹാരം തേടി കേന്ദ്ര സര്ക്കാരിനെ സമീപിക്കുമെന്ന് മുഖ്യമന്ത്രി ഇന്നലെ വ്യക്തമാക്കിയിരുന്നു.
വയനാട്ടില് നിന്നുള്ള നേതാക്കളുമായി ഇന്നലെ രാഹുല് ഗാന്ധി കൂടിക്കാഴ്ച നടത്തിയിരുന്നു. എ ഐ സി സി ജനറല് സെക്രട്ടറി കെ സി വേണുഗോപാല്, എം കെ രാഘവന് എം പി , വയനാട് ഡിസിസി പ്രസിഡന്റ് ഐ സി ബാലകൃഷ്ണന് തുടങ്ങിയവര് പങ്കെടുത്തു. രാത്രിയാത്രാ നിരോധനത്തിനെതിരെ ബത്തേരിയില് വിവിധ യുവജന സംഘടനകളുടെ നേതൃത്വത്തില് ആരംഭിച്ച ഉപവാസ സമരത്തിന് വയനാട് എംപി രാഹുല് ഗാന്ധിയുടെ പിന്തുണ. ഒക്ടോബര് മൂന്നിന് രാഹുല് ഗാന്ധി വയനാട്ടിലെത്തും. നാളെ രാഹുല് ഗാന്ധി വയനാട്ടിലെത്തുമെന്ന് അറിയിച്ചിരുന്നെങ്കിലും പിന്നീട് തിയതി മാറ്റുകയായിരുന്നു.