വണ്ടൂരില് നിപ സ്ഥിരീകരിച്ച സാഹചര്യത്തില് സമീപ ജില്ലകളിലും ജാഗ്രത നിര്ദേശം നല്കാന് ആരോഗ്യ വകുപ്പ്. കോഴിക്കോട്, പാലക്കാട് ജില്ലകളില് ജാഗ്രതാ നിര്ദ്ദേശം നല്കിയേക്കും. ഇന്നും ആരോഗ്യ മന്ത്രി വീണാ ജോര്ജിന്റെ നേതൃത്വത്തില് നിപ അവലോകനയോഗം ചേരും.
അതിനിടെ കേന്ദ്ര ആരോഗ്യമന്ത്രി ജെ പി നദ്ദയുമായി വീണാ ജോര്ജ് കൂടിക്കാഴ്ച നടത്തും. എയിംസ് ഉള്പ്പെടെ സംസ്ഥാനത്തിന്റെ വിവിധ ആവശ്യങ്ങള് ജെ പി നദ്ദയെ മന്ത്രി ധരിപ്പിക്കും.മലപ്പുറത്തെ നിപ രോഗബാധയുമായി ബന്ധപ്പെട്ട് കോഴിക്കോട്ടേക്ക് അയച്ച 13 പേരുടെ സ്രവപരിശോധന ഫലം ഇന്ന് പുറത്തുവരും.
നിപ ബാധിച്ച് മരിച്ച നടുവത്ത് സ്വദേശിയായ യുവാവുമായി നേരിട്ട് സമ്പര്ക്കമുള്ള ഇവരില് രോഗലക്ഷണങ്ങള് കണ്ടതിനെ തുടര്ന്നാണ് സ്രവപരിശോധനക്ക് അയച്ചത്. യുവാവിന്റെ റൂട്ട് മാപ്പ് അനുസരിച്ച് ജില്ലയില് 175 പേരാണ് സമ്പര്ക്ക പട്ടികയില് ഉള്പ്പെട്ടിട്ടുള്ളത്. ഇതില് 74 പേര് ആരോഗ്യ പ്രവര്ത്തകരാണ്.
