പ്രധാനമന്ത്രി നരേന്ദ്ര മോദി ഇന്ന് രാജസ്ഥാനിലെയും മധ്യപ്രദേശിലെയും ചിറ്റോര്ഗഡും ഗ്വാളിയോറും സന്ദര്ശിക്കും.ഡല്ഹി-വഡോദര അതിവേഗപാത പ്രധാനമന്ത്രി രാജ്യത്തിന് സമര്പ്പിക്കും.ഏകദേശം 19,260 കോടി രൂപയുടെ പദ്ധതികളുടെ സമര്പ്പണവും തറക്കല്ലിടലും പ്രധാനമന്ത്രി നിര്വഹിക്കും .രാജസ്ഥാനില് റെയില്, റോഡ് മേഖലയിലെ വിവിധ പദ്ധതികളും അദ്ദേഹം ഉദ്ഘാടനം ചെയ്യും.ഏകദേശം 7,000 കോടി രൂപയുടെ പദ്ധതികളുടെ സമര്പ്പണവും തറക്കല്ലിടലും അദ്ദേഹം നിര്വഹിക്കും.
പി.എം.എ.വൈ ഗ്രാമീണിന് കീഴില് നിര്മ്മിച്ച 2.2 ലക്ഷത്തിലധികം വീടുകളുടെ ഗൃഹപ്രവേശത്തിന് പ്രധാനമന്ത്രി ആരംഭം കുറിയ്ക്കും.ജല് ജീവന് മിഷനു കീഴിലുള്ള പദ്ധതികള്ക്കും ആയുഷ്മാന് ഭാരത് ഹെല്ത്ത് ഇന്ഫ്രാസ്ട്രക്ചര് മിഷന്റെ കീഴിലെ ഒമ്പത് ആരോഗ്യ കേന്ദ്രങ്ങളുടെ വികസനത്തിനുമുള്ള പദ്ധതികളുടെ തറക്കല്ലിടലും നിര്വഹിക്കും.
