തിരുവനന്തപുരം: മുന് വിജിലന്സ് ഡയറക്ടര് ഡി.ജി.പി. ജേക്കബ് തോമസിനെതിരെ വിജിലന്സ് അന്വേഷണത്തിന് സര്ക്കാര് ഉത്തരവിട്ടു. മുഖ്യമന്ത്രിയാണ് കേസ് രജിസ്റ്റര് ചെയ്ത് അന്വേഷിക്കാന് ഉത്തരവിട്ടത്. സസ്പെന്ഷനിലായ വിജിലന്സ് മുന് ഡയറക്ടര് ജേക്കബ് തോമസ് തുറമുഖ ഡയറക്ടറായിരിക്കെ ഡ്രഡ്ജിങ് ഉപകരണങ്ങള് വാങ്ങിയതില് ക്രമക്കേട് നടന്നതായി ധനകാര്യ വകുപ്പ് പരിശോധനാ വിഭാഗത്തിന്റെ കണ്ടെത്തലിന്റെ അടിസ്ഥാനത്തിലാണ് നടപടി. ഇതു സംബന്ധിച്ച ഫയല് ഇന്നു വിജിലന്സ് മേധാവി ബി.എസ്. മുഹമ്മദ് യാസിനു കൈമാറുമെന്നാണ് സൂചന.
