അഹമ്മദാബാദ്: ഗുജറാത്തിെന്റ വിവിധ ഭാഗങ്ങളില് കുടുങ്ങിയ വിദ്യാര്ഥികളടക്കമുള്ളവരുമായി കേരളത്തിലേക്കുള്ള ആദ്യ ശ്രമിക് ട്രെയിന് ബുധനാഴ്ചയെത്തും. ചൊവ്വാഴ്ച പുലര്ച്ച 12.30ന് രാജ്കോട്ടില്നിന്ന് പുറപ്പെടുന്ന രാജ്കോട്ട്- തിരുവനന്തപുരം ശ്രമിക് എക്സ്പ്രസ് ബുധനാഴ്ച വൈകീട്ട് 6.25ന് തിരുവനന്തപുരത്തെത്തും. ചൊവ്വാഴ്ച പുലര്ച്ചെ 4.25ന് അഹമ്മദാബാദ്, രാവിലെ 6.30ന് വഡോദര, രാവിലെ 8.40ന് സൂറത്ത് എന്നിവിടങ്ങളില്നിന്ന് മലയാളികളുമായി യാത്ര തിരിക്കുന്ന ട്രെയിന് ബുധനാഴ്ച രാവിലെ 11.15 ന് കോഴിക്കോടെത്തും. ഉച്ചക്ക്-2.05ന് ആലുവയിലെത്തുന്ന ട്രെയിനിന് പിന്നീട് തിരുവനന്തപുരത്ത് മാത്രമേ സ്റ്റോപ് ഉള്ളൂ.
നേരത്തെ പലകാരണങ്ങളാല് മൂന്നു തവണ ഇൗ ട്രെയിനിെന്റ യാത്ര റദ്ദാക്കിയിരുന്നു. റെഡ്സോണ് ആയ അഹമ്മദാബാദ് ഒഴിവാക്കി ട്രെയിന് സര്വിസ് നടത്താന് ശ്രമിച്ചതും പ്രതിഷേധം ക്ഷണിച്ചുവരുത്തിയിരുന്നു. ശനിയാഴ്ച പുറപ്പെടാനിരുന്ന ട്രെയിന് അവസാന നിമിഷം ചൊവ്വാഴ്ചയിലേക്ക് മാറ്റുകയായിരുന്നു. നേരത്തെ പ്രഖ്യാപിച്ച ട്രെയിനിന് വാപിയിലും സ്റ്റോപ്പ് അനുവദിച്ചിരുന്നു. എന്നാല്, പുതിയ ട്രെയിനിന് അഹമ്മദാബാദ് സ്റ്റോപ്പ് ഉള്പ്പെടുത്തിയപ്പോള് വാപി സ്റ്റേഷന് ഒഴിവാക്കി.
