ഇന്ത്യന് ക്യാപ്റ്റന് വിരാട് കോഹ്ലിയെ മെരുക്കാന് കഴിവുള്ള പേസ് ബൗളര്മാര് ഓസ്ട്രേലിയയ്ക്കുണ്ടെന്ന് ടിം പെയ്ന്. വ്യാഴാഴ്ച ഇന്ത്യ-ഓസ്ട്രേലിയ ഒന്നാം ടെസ്റ്റ് ക്രിക്കറ്റ് മത്സരം ആരംഭിക്കാനിരിക്കേയാണ് പെയ്നിന്റെ ഈ അവകാശവാദം. പേസര്മാര് അവരുടെ ഫോം കണ്ടെത്തിയാല് കോഹ്ലി വിഷമിക്കും- ഓസീസ് ക്യാപ്റ്റന് പറഞ്ഞു. ഇംഗ്ലണ്ട് പര്യടനത്തില് ഇന്ത്യയുടെ സ്കോറിംഗിന്റെ സിരാകേന്ദ്രം കോഹ്ലിയായിരുന്നു. ഇന്ത്യന് ക്യാപ്റ്റനെ നിശബ്ദമാക്കിയാല് ഇന്ത്യയെ ചുരുട്ടിക്കെട്ടാമെന്ന് ഓസ്ട്രേലിയ കണക്കുകൂട്ടുന്നു.
കളത്തിലെ പ്രകടനം മാത്രമല്ല മാന്യതയും ഒന്നിച്ചുകൊണ്ടുപോകണമെന്ന അഭിപ്രായവുമായി ഓസീസ് പരിശീലകന് ജസ്റ്റിന് ലാംഗറും രംഗത്തെത്തിയിരുന്നു. ദക്ഷിണാഫ്രിക്കയ്ക്കെതിരായ പരന്പരയില് പന്ത് ചുരണ്ടല് വിവാദത്തിലായ ഓസീസ് താരങ്ങള് ക്രിക്കറ്റ് ഓസ്ട്രേലിയയ്ക്ക് വരുത്തിവച്ച ദുഷ്പേരു സൂചിപ്പിച്ചായിരുന്നു ലാംഗറിന്റെ അഭിപ്രായപ്രകടനം.
