ന്യൂഡല്ഹി: എഐസിസിയുടെ സന്പൂര്ണ സമ്മേളനത്തിന്(പ്ലീനറി) ഇന്ദിരാഗാന്ധി ഇന്ഡോര് സ്റ്റേഡിയത്തില് തുടക്കമായി. കോണ്ഗ്രസ് അധ്യക്ഷന് രാഹുല് ഗാന്ധി പതാക ഉയര്ത്തിയതോടെയാണ് സമ്മേളനത്തിന് തുടക്കമായത്. എഐസിസിയുടെ 84-ാം സമ്മേളനമാണിത്.
വരുന്ന ലോക്സഭാ തെരഞ്ഞെടുപ്പ് ഒരുക്കങ്ങള് സംബന്ധിച്ച സമ്മേളനത്തില് ചര്ച്ചയാകും. കര്ണാടക, രാജസ്ഥാന്, മധ്യപ്രദേശ് എന്നിവിടങ്ങളിലാണ് ഉടനെ തെരഞ്ഞെടുപ്പ് നടക്കുന്നത്. രാഷ്ട്രീയ സാന്പത്തിക വിഷയങ്ങളടക്കമുള്ള നാല് പ്രമേയങ്ങളും സമ്മേളനത്തില് പാസാക്കും. എഐസിസി അംഗങ്ങളും പിസിസി അംഗങ്ങളുമുള്പ്പെടെ 13,000 പേരാണ് സമ്മേളനത്തില് പങ്കെടുക്കുന്നത്.
