പാരീസ്: കശ്മീര് വിഷയത്തില് ഇന്ത്യയും പാകിസ്താനും ഉഭയകക്ഷി ചര്ച്ചകളിലൂടെ പരിഹാരം കാണണമെന്ന് ഫ്രഞ്ച് പ്രസിഡന്റ് ഇമ്മാനുവല് മാക്രോണ്. വിഷയത്തില് മൂന്നാമതൊരു കക്ഷിയുടെ പ്രേരണയോ ഇടപെടലോ ആവശ്യമില്ല. മേഖലയില് സമാധാന അന്തരീക്ഷം നിലനിര്ത്തണമെന്നും ജനങ്ങളുടെ അവകാശങ്ങള് സംരക്ഷിക്കപ്പെടണമെന്നും മാക്രോണ് പറഞ്ഞു. ത്രി രാഷ്ട്ര സന്ദര്ശനത്തിന്റെ ഭാഗമായി ഫ്രാന്സിലെത്തിയ പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ചക്ക് ശേഷം സംസാരിക്കുകയായിരുന്നു അദ്ദേഹം.
നരേന്ദ്രേമാദിയുമായി 90 മിനിറ്റ് നീണ്ട ചര്ച്ചയില് ഇന്ത്യന് സര്ക്കാര് കശ്മീരില് കൈകൊണ്ട നടപടികളെ കുറിച്ച് ചര്ച്ചചെയ്തതായും അത് രാജ്യത്തിെന്റ പരാമധികാര വിഷയമായി കാണുന്നുവെന്നും മാക്രോണ് പറഞ്ഞു. ഇന്ത്യക്ക് കൂടുതല് റഫാല് വിമാനങ്ങള് ഫ്രാന്സ് കൈമാറുമെന്നും ഇമ്മാനുവല് മാക്രോണ് അറിയിച്ചു. കരാര് പ്രകാരമുള്ള 36 വിമാനങ്ങളില് ആദ്യത്തേത് അടുത്ത മാസം തന്നെ ഇന്ത്യക്ക് നല്കുമെന്നും അദ്ദേഹം അറിയിച്ചു.
ഇരുനേതാക്കളുടെയും കൂടിക്കാഴ്ചക്കിടെ വിവിധ വിഷയങ്ങളില് ഇന്ത്യയും പാകിസ്താനും സഹകരണത്തിലെത്താനും ധാരണയായി. ആണവോര്ജ രംഗത്തും സഹകരണം ഉറപ്പാക്കും.
ഫ്രഞ്ച് പ്രധാനമന്ത്രി എഡ്വേര്ഡ് ഫിലിപ്പെമുമായി ചര്ച്ച നടത്തുന്ന മോദി ഫ്രാന്സിലെ ഇന്ത്യന് വംശജരുമായി സംവദിക്കും. മാക്രോണിെന്റ ക്ഷണമനുസരിച്ച് പരിസ്ഥിതി, കാലാവസ്ഥ, സമുദ്ര ഗവേഷണം എന്നിവ സംബന്ധിച്ചുള്ള ജി-7 ഉച്ചകോടി ചര്ച്ചകളിലും പങ്കെടുക്കും.
