ലോകത്തിലെ ഏറ്റവും വേഗതയേറിയ ഓട്ടക്കാരനായ ജമൈക്കയുടെ ഉസൈൻ ബോൾട്ട് റിയോ ഒളിമ്പിക്സിൽ മത്സരിക്കുമോ എന്ന് ഇന്ന് അറിയാം. ലണ്ടനിൽ ഇന്ന് നടക്കുന്ന ആനിവേഴ്സറി മീറ്റിൽ ബോൾട്ട് 200 മീറ്ററിൽ പങ്കെടുക്കും. ഈ മീറ്റിൽ കായികക്ഷമത തെളിയിച്ചാൽ ബോൾട്ട് റിയോയിലെത്തും.നേരത്തെ ചില പ്രശ്നങ്ങളുണ്ടായിരുന്നെങ്കിലും ഇപ്പോൾ യാതൊരുവിധ പ്രശ്നങ്ങളുമില്ല. ജീവിതത്തിലെ അവസാന ഒളിമ്പിക്സിൽ 200 മീറ്ററിൽ പുതിയ ലോകറെക്കോർഡാണ് ലക്ഷ്യമെന്നും ബോൾട്ട് പറഞ്ഞു. ബോൾട്ടിന്റെ പ്രഖ്യാപനത്തോടെ പ്രശസ്തമായ വിജയാഹ്ലാദവും റിയോയിൽ കാണാമെന്ന പ്രതീക്ഷയിലാണ് ആരാധകർ.
