ആത്മകഥ വിവാദത്തിന് പിന്നില് ആസൂത്രിതമായ ഗൂഢാലോചനയുണ്ടെന്ന് ഇ പി ജയരാജന്. തെരഞ്ഞെടുപ്പ് ദിവസമാണ് ഈ വാര്ത്ത പുറത്ത് വരുന്നത്. ആദ്യം വന്നത് ടൈംസ് ഓഫ് ഇന്ത്യയിലാണ്. ടൈംസ് ഓഫ് ഇന്ത്യയില് ഇത്തരമൊരു വാര്ത്ത ലളിതമായി വരുമോ എന്ന് ഇ പി ചോദിക്കുന്നു.ഒരു അടിസ്ഥാനവുമില്ലാത്ത ഒരു വാര്ത്ത എല്ലാ മാധ്യമങ്ങളിലും പ്രചരിപ്പിച്ചുവെന്നും അദ്ദേഹം പറഞ്ഞു. ഒരു വരി പോലും പ്രസിദ്ധീകരണത്തിനായി ആര്ക്കും നല്കിയിട്ടില്ലെന്നും അദ്ദേഹം വ്യക്തമാക്കി. പാര്ട്ടിക്ക് അകത്തും പുറത്തും തന്നെ ദുര്ബലപ്പെടുത്തുകയാണ് ലക്ഷ്യം.
വ്യക്തമായ സൂചന കിട്ടിയാല് ഗൂഢാലോചനയ്ക്ക് പിന്നില് ആരെന്ന് പുറത്തു പറയാം – ഇ പി ജയരാജന് വ്യക്തമാക്കി.ജാവഡേത്കറുമായി ബന്ധപ്പെട്ട വാര്ത്ത വന്നതും ഇത്തരത്തിലാണെന്ന് അദ്ദേഹം ചൂണ്ടിക്കാട്ടി. തെരഞ്ഞെടുപ്പില് ഇടതുപക്ഷ മുന്നണിക്കെതിരായ ഫലമുണ്ടാക്കി, അതുവഴി എന്നെ പാര്ട്ടിക്കകത്തും പുറത്തും പൊതു സമൂഹത്തിലും ആക്രമിക്കുക എന്നത് ആസൂത്രതമായ പദ്ധതിയാണ് അന്ന് നടപ്പാക്കിയത്. അതിന്റെ ആവര്ത്തനമാണ് ഇപ്പോഴുണ്ടായത് – ഇ പി വിശദമാക്കി.
