മുഖ്യമന്ത്രി പിണറായി വിജയന്റെ മകള് വീണയും ഡിവൈഎഫ്ഐ അഖിലേന്ത്യാ പ്രസിഡന്റ് മുഹമ്മദ് റിയാസും വിവാഹിതരാകുന്നു. ജൂണ് 15-നാണ് വിവാഹം. ലളിതമായി നടത്തുന്ന വിവാഹചടങ്ങില് അടുത്ത ബന്ധുക്കളും സുഹൃത്തുക്കളും മാത്രമായിരിക്കും പങ്കെടുക്കുക.
പിണറായി വിജയന്റെ മകള് വീണ ബാംഗ്ലൂരില് ഐ.ടി രംഗത്ത് പ്രവര്ത്തിക്കുകയാണ്. എസ്.എഫ്.ഐ വിദ്യാര്ത്ഥി രാഷ്ട്രീയത്തിലൂടെ കടന്നുവന്ന മുഹമ്മദ് റിയാസ് ഡി.വൈ.എഫ്.ഐയുടെ സംസ്ഥാന നേതൃത്വത്തിലൂടെയാണ് ദേശീയ അധ്യക്ഷ സ്ഥാനത്ത് എത്തിയത്.സോഫ്റ്റ്വേര് എന്ജിനീയറായ വീണ ബെംഗളുരു ആസ്ഥാനമായി പ്രവര്ത്തിക്കുന്ന എക്സാലോജിക് സൊല്യൂഷന്സ് പ്രൈവറ്റ് ലിമിറ്റഡ് എന്ന ഐടി കമ്പനിയുടെ ഡയറക്ടറാണ്.മുഹമ്മദ് റിയാസ് ഐപിഎസ് ഉദ്യോഗസ്ഥനായിരുന്ന പി.എം.അബ്ദുള് ഖാദറിന്റെ മകനാണ്.
