സംസ്ഥാനങ്ങള്ക്കുള്ള ജിഎസ്ടി വിഹിതത്തിൽ കേരളത്തിനെതിരെ ഗുരുതര ആരോപണവുമായി കേന്ദ്ര ധനമന്ത്രി നിര്മല സീതാരാമന്. 2017ന് ശേഷം എജി അംഗീകരിച്ച കണക്ക് കേരളം നല്കിയില്ലെന്നാണ് ആരോപണം.കണക്കുകള് സമര്പ്പിക്കുന്നതില് കേരളം വീഴ്ച വരുത്തിയിട്ട് കേന്ദ്രത്തെ പഴിക്കുകയാണെന്നും ധനമന്ത്രി കുറ്റപ്പെടുത്തി.
ജിഎസ്ടി വിഹിതം കേന്ദ്രം വൈകിക്കുന്നില്ല. കണക്ക് ലഭിച്ചാല് കുടിശിക അനുവദിക്കുമെന്നും നിര്മല സീതാരാമന് പറഞ്ഞു. എന്.കെ പ്രേമചന്ദ്രന് എംപി കേരളത്തിന്റെ ഇന്ധനസെസ് വിഷയം ലോക്സഭയില് ഉന്നയിച്ചപ്പോഴായിരുന്നു കേന്ദ്രസര്ക്കാരിന്റെ വിശദീകരണം.
