81 കോടി ഇന്ത്യക്കാരുടെ ആധാര് വിവരങ്ങള് ചോര്ത്തി സംഭവത്തിത്തില് മൂന്നുപേര് അറസ്റ്റിലായി. ഇന്ത്യന് കൗണ്സില് ഓഫ് മെഡിക്കല് റിസര്ച്ചിന്റെ (ഐ.സി.എം.ആര്) വിവരങ്ങളാണ് ചോര്ത്തിയതെന്ന് പ്രതികള് ദില്ലി പൊലീസിനോട് പറഞ്ഞു. അമേരിക്കയിലെ ഫെഡറല് ബ്യൂറോ ഓഫ് ഇന്വെസ്റ്റിഗേഷന് (എഫ്.ബി.ഐ) വിവരങ്ങളും ചോര്ത്തിയെന്ന് പ്രതികള് പറഞ്ഞു.81.5 കോടി ഇന്ത്യക്കാരുടെ വ്യക്തി വിവരങ്ങള് ഡാര്ക്ക് വെബിലൂടെ പുറത്തുവന്നുവെന്നാണ് റിപ്പോര്ട്ടുകള് വിശദമാക്കിയിരുന്നത്. ഇന്ത്യയുടെ ചരിത്രത്തിലെ ഏറ്റവും വലിയ ഡാറ്റാ ചോര്ച്ചയാണിതെന്നും സാങ്കേതിക രംഗത്തുള്ളവര് വിശേഷിപ്പിച്ചു. സൂചന.
ഐസിഎംആറിന്റെ ഡേറ്റാ ബേസില് നിന്നാണ് വിവരങ്ങള് ചോര്ത്തിരിക്കുന്നതെന്ന് റിപ്പോര്ട്ടുകള് വന്നതിന് പിന്നാലെ സംഭവത്തില് അന്വേഷണം സിബിഐ ഏറ്റെടുക്കുകയും ചെയ്തിരുന്നു.ചോര്ന്ന വിവരങ്ങള് ഡാര്ക്ക് വെബില് പരസ്യം ചെയ്ത വിവരം ‘pwn0001’ എന്ന ഹാക്കറാണ് പൊതു ജനശ്രദ്ധയില് പെടുത്തിയത്. ആധാര്, പാസ്പോര്ട്ട് വിശദാംശങ്ങള്, കൂടാതെ ദശലക്ഷക്കണക്കിന് ഇന്ത്യക്കാരുടെ പേരുകള്, ഫോണ് നമ്പറുകള്, താല്ക്കാലികവും സ്ഥിരവുമായ വിലാസങ്ങള് എന്നിവ ചോര്ന്ന വിവരങ്ങളില് ഉള്പ്പെടുന്നുണ്ടെന്നും ഹാക്കര് വിശദീകരിച്ചു. കൊവിഡ്19 പരിശോധനയ്ക്കിടെ ഐസിഎംആര് ശേഖരിച്ച വിവരങ്ങളാണ് ചോര്ന്നതെന്നാണ് ഹാക്കര് അവകാശപ്പെടുന്നത്. കേരളത്തിലെ നിരവധി പേരുടെ വിവരങ്ങളും ചോര്ന്നതായി സ്ക്രീന് ഷോട്ടുകളില് വ്യക്തമായിരുന്നു.
