സംസ്ഥാനത്ത് 29 തദ്ദേശ വാര്ഡുകളിലേക്കുള്ള ഉപതെരഞ്ഞെടുപ്പ് തുടങ്ങി. കോട്ടയം, കണ്ണൂര്, കാസര്കോട് ഒഴികെയുള്ള പതിനൊന്ന് ജില്ലകളിലാണ് തെരഞ്ഞെടുപ്പ് നടക്കുക. നാളെ രാവിലെ അതാത് കേന്ദ്രങ്ങളില് വോട്ടെണ്ണി ഫലം പ്രഖ്യാപിക്കും.
ഒരു ജില്ലാ പഞ്ചായത്ത്, അഞ്ച് ബ്ലോക്ക് പഞ്ചായത്ത്, മൂന്ന് മുനിസിപ്പാലിറ്റി, ഇരുപത് ഗ്രാമപഞ്ചായത്ത് വാര്ഡുകളിലേക്കാണ് ഉപതെരഞ്ഞെടുപ്പ് നടക്കുന്നത്. 29 വാര്ഡുകളിലായി 102 സ്ഥാനാര്ഥികളാണ് മത്സരരംഗത്തുള്ളത്. ഇതില് 40 പേര് വനിതകള്. വോട്ടെടുപ്പിനായി 190 പോളിങ് ബൂത്തുകള് സജ്ജീകരിച്ചിട്ടുണ്ട്. രാവിലെ ഏഴു മണി മുതല് വൈകുന്നേരം ആറു മണി വരെയാണ് വോട്ടെടുപ്പ്.