സംസ്ഥാനത്ത് ഇന്ന് മുതല് വേനല്മഴ ലഭിച്ചേക്കുമെന്ന് കേന്ദ്ര കാലാവസ്ഥാ വകുപ്പ്. ഒറ്റപ്പെട്ടയിടങ്ങളിലാണ് മഴ ലഭിക്കുക. ഇടിമിന്നലിന് സാധ്യതയുള്ളതായും അറിയിപ്പുണ്ട്.മലയോര മേഖലകളിലാണ് കൂടുതല് മഴയ്ക്ക് സാധ്യത.തെക്കന് കേരളത്തിലും മധ്യ കേരളത്തിലും ആദ്യം മഴ കിട്ടി തുടങ്ങും.
വെള്ളിയാഴ്ചയോടെ വടക്കന് കേരളത്തിലും മഴ കിട്ടും.അതേസമയം സംസ്ഥാനത്ത് താപനിലയില് നേരിയ കുറവ് രേഖപ്പെടുത്തിയിട്ടുണ്ട്. സംസ്ഥാനത്ത് ഇന്നലെ ഏറ്റവും ഉയര്ന്ന താപനില രേഖപ്പെടുത്തിയത് പാലക്കാട് എരുമയൂരിലാണ്. 40 ഡിഗ്രി സെല്ഷ്യസാണ് എരുമയൂരില് രേഖപ്പെടുത്തിയത്.
സംസ്ഥാനത്ത് ചൂടു കൂടുന്നതിനൊപ്പം നിര്ജലീകരണവും ദേഹാസ്വാസ്ഥ്യവും ഉണ്ടാകാന് സാധ്യതയുള്ളതിനാല് ജാഗ്രത മുന്നറിയിപ്പുമായി ആരോഗ്യവകുപ്പ്. ചിക്കന്പോക്സ്, വയറിളക്ക രോഗങ്ങള് എന്നിവക്കെതിരെ ജാഗ്രത വേണം.
