ഇ​ട​ക്കൊ​ച്ചി​യി​ൽ തെ​രു​വു​നാ​യ ആക്രമണത്തിൽ ആ​റു പേ​ർ​ക്ക് ക​ടി​യേ​റ്റു

ഇ​ട​ക്കൊ​ച്ചി​യി​ൽ ആ​റു പേ​ർ​ക്ക് തെ​രു​വു​നാ​യു​ടെ ക​ടി​യേ​റ്റു. തി​ങ്ക​ളാ​ഴ്ച രാ​വി​ലെ ഏ​ഴോ​ടെ​യാ​ണ്​ വ​ഴി​യാ​ത്രി​ക​ർ​ക്കു​നേ​രെ തെ​രു​വു​നാ​യു​ടെ ആ​ക്ര​മ​ണം ഉ​ണ്ടാ​യ​ത്. ആ​റു​പേ​രെ​യും ഒരേ നായ തന്നെയാണ് ക​ടി​ച്ച​ത്.ഇ​ട​ക്കൊ​ച്ചി ബ​സ് സ്റ്റാ​ൻ​ഡി​ൽ സ്വ​കാ​ര്യ ബ​സി​ന്‍റെ താ​ഴെ പ​തു​ങ്ങി​യി​രു​ന്നാ​യി​രു​ന്നു നാ​യു​ടെ ആ​ക്ര​മ​ണം.നാ​യെ ബ്ര​ഹ്മ​പു​ര​ത്ത് നി​രീ​ക്ഷ​ണ​ത്തി​ലാ​ക്കി​യി​രി​ക്കു​ക​യാ​ണ്.

ഇ​ട​ക്കൊ​ച്ചി സ്വ​ദേ​ശി​യും ന​ഗ​ര​സ​ഭ ശു​ചീ​ക​ര​ണ തൊ​ഴി​ലാ​ളി​യു​മാ​യ ചെ​റു​പ​റ​മ്പ​ത്ത് വീ​ട്ടി​ൽ ടോ​മി, പ്ല​സ് വ​ൺ വി​ദ്യാ​ർ​ഥി ക​ള​രി​ക്ക​ൽ പ​റ​മ്പി​ൽ ആ​ദി​ത്യ​ൻ എ​ന്നി​വ​ർ ആ​ശു​പ​ത്രി​യി​ൽ ചി​കി​ത്സ തേ​ടി.ഇ​രു​വ​ർ​ക്കും സാ​ര​മാ​യി പ​രി​ക്കു​ണ്ട്. പ​രി​ക്കേ​റ്റ മ​റ്റു​ള്ള​വ​രെ​ക്കു​റി​ച്ച് വി​വ​ര​മി​ല്ല.നി​ര​വ​ധി പേ​ർ​ക്കു​നേ​രെ നാ​യ്​ ക​ടി​ക്കാ​ൻ ഓ​ടി​യ​ടു​ത്തു. പ​ല​രും ത​ല​നാ​രി​ഴ​ക്കാ​ണ് ക​ടി​യേ​ൽ​ക്കാ​തെ ര​ക്ഷ​പ്പെ​ട്ട​ത്. സം​ഭ​വ​മ​റി​ഞ്ഞ ഉ​ട​ൻ ഡി​വി​ഷ​ൻ കൗ​ൺ​സി​ല​ർ അ​ഭി​ലാ​ഷ് തോ​പ്പി​ൽ ന​ഗ​ര​സ​ഭ ഡോ​ഗ് സ്ക്വാ​ഡി​നെ വി​ളി​ച്ചു വ​രു​ത്തി നാ​യെ പി​ടി​കൂ​ടു​ക​യാ​യി​രു​ന്നു. സ്ക്വാ​ഡ് അം​ഗ​ങ്ങ​ളാ​യ സു​നീ​ഷ്, വ​ർ​ഗീ​സ് എ​ന്നി​വ​ർ ചേ​ർ​ന്നാ​ണ് സാ​ഹ​സി​ക​മാ​യി പി​ടി​കൂ​ടി​യ​ത്.