രാഹുൽ ഗാന്ധിയെ ശ്രീരാമനോടുപമിച്ച് മുതിർന്ന കോൺഗ്രസ് നേതാവ് സൽമാൻ ഖുർഷിദ് .അതുപോലെ ഭാരത് ജോഡോ യാത്രയെ രാമായണത്തോടും കോൺഗ്രസിനെ ഭാരതത്തോടും ഖുർഷിദ് ഉപമിച്ചു . ”രാഹുൽ ഗാന്ധിയെ അമാനുഷികനെന്ന് പറയാം. കാരണം അതിശൈത്യത്തിൽ നാം തണുത്തു വിറച്ച് ജാക്കറ്റ് ധരിച്ചുകൊണ്ടാണ് നടക്കുന്നത്. എന്നാൽ അദ്ദേഹം ടീഷർട്ടുകൾ മാത്രം ധരിച്ച് (ഭാരത് ജോഡോ യാത്രക്കായി) പുറത്തിറങ്ങുന്നു.
ഏകാഗ്രതയോടെ തപസ്സ് ചെയ്യുന്ന ഒരു യോഗിയെപ്പോലെയാണ് അദ്ദേഹം.” മാധ്യമപ്രവർത്തകരോട് സംസാരിക്കവേ സൽമാൻ ഖുർഷിദ് പറഞ്ഞു. ”രാജ്യത്താകെ ബാധകമായ ശാസ്ത്രീയമായ പ്രോട്ടോക്കോൾ പുറത്തിറക്കിയാൽ അത് പാർട്ടിക്കും ബാധകമായിരിക്കും.” ഭാരത് ജോഡോ യാത്രയുമായി ബന്ധപ്പെട്ട് കൊവിഡ് പ്രോട്ടോക്കോൾ പാലിക്കണമെന്ന് ആവശ്യപ്പെട്ട് കേന്ദ്ര ആരോഗ്യ മന്ത്രാലയം രാഹുൽ ഗാന്ധിക്ക് കത്തയച്ച നടപടിയെക്കുറിച്ച് ഖുർഷിദ് പ്രതികരിച്ചു.
