അതിജീവിതയ്ക്ക് എതിരായ ലൈംഗിക അതിക്രമ കേസിൽ മുന് ഗവണ്മെന്റ് പ്ലീഡര് പി ജി മനുവിന്റെ മുന്കൂര് ജാമ്യാപേക്ഷ ഹൈക്കോടതി ഇന്ന് പരിഗണിക്കും.നിയമോപദേശം തേടിയെത്തിയ യുവതിയെ പീഡിപ്പിച്ചെന്ന കേസില് നല്കിയ മുന്കൂര് ജാമ്യാപേക്ഷയാണ് സിംഗിള് ബെഞ്ചിന്റെ പരിഗണനയിലുള്ളത്.അഭിഭാഷകനെന്ന ആനുകൂല്യം നല്കാനാവില്ലെന്നാണ് കഴിഞ്ഞ തവണ ജാമ്യാപേക്ഷ പരിഗണിക്കവെ ഹൈക്കോടതി വ്യക്തമാക്കിയത്.
തൊഴില് രംഗത്തുള്ള ശത്രുക്കളാണ് ഇതിന്റെ പിന്നിലെന്നാണ് പി ജി മനുവിന്റെ പ്രധാന ആക്ഷേപം. ബലാത്സംഗം ഉള്പ്പടെയുള്ള കുറ്റങ്ങള് ചുമത്തിയാണ് ചോറ്റാനിക്കര പൊലീസ് കേസെടുത്തത്.ഈ മാസം ആദ്യത്തിലാണ് പി ജി മനു ഹൈക്കോടതിയില് മുന്കൂര് ജാമ്യാപേക്ഷ നല്കിയത്. തൊഴിലിടത്തെ ശത്രുതയാണ് യുവതിയുടെ പരാതിക്ക് പിന്നിൽ. വ്യാജ മൊഴിയാണ് പരാതിക്കാരി നല്കിയതെന്നുമായിരുന്നു പി ജി മനുവിൻ്റെ ആരോപണം.
