ആനക്കൊമ്പ് കേസില് നടന് മോഹന്ലാല് നേരിട്ട് ഹാജരാക്കണമെന്ന് ഉത്തരവിട്ട് പെരുമ്പാവൂര് മജിസ്ട്രേറ്റ് കോടതി. കേസ് പിന്വലിക്കണമെന്നാവശ്യപ്പെട്ട് സര്ക്കാര് നല്കിയ അപേക്ഷ തള്ളിക്കൊണ്ടാണു കോടതിയുടെ ഉത്തരവ്. നടന് ഉള്പ്പെടെയുളള പ്രതികള് നവംബര് മൂന്നിന് ഹാജരാകണം.കേസ് പിന്വലിക്കാനുള്ള സംസ്ഥാന സര്ക്കാരിന്റെ ആവശ്യം പൊതുതാല്പര്യത്തിന് വിരുദ്ധമാണെന്ന് ചൂണ്ടിക്കാട്ടിയാണ് കോടതി ഉത്തരവ്.
2011 ല് എറണാകുളം തേവരയിലെ മോഹന്ലാലിന്റെ വസതിയില് ആദായനികുതി വകുപ്പ് നടത്തിയ റെയ്ഡിനിടെയാണ് രണ്ടു ജോഡി ആനക്കൊമ്പുകള് കണ്ടെടുത്തത്. വനം വകുപ്പ് കേസെടുത്തെങ്കിലും ചെരിഞ്ഞ നാട്ടാനകളുടെ കൊമ്പുകളാണിതെന്നാണ് കേസവസാനിപ്പിക്കാന് കാരണമായി സര്ക്കാരും മോഹന്ലാലും കോടതിയില് ഉന്നയിച്ച വാദം. അനധികൃമായിട്ടാണു കൊമ്പ് സൂക്ഷിച്ചതെന്നാണു കേസ്. കേസ് പിന്നീടു വനംവകുപ്പിനു കൈമാറി.
