പൊലീസ് നടപടിക്കെതിരെ സുപ്രീം കോടതിയെസമീപിക്കാനൊരുങ്ങി ന്യൂസ് ക്ലിക്ക് . ഉന്നത രാഷ്ട്രീയ നേതൃത്വത്തിന്റെ അറിവോടെയാണ് അറസ്റ്റ് എന്നും മാധ്യമ പ്രവർത്തകർ പറഞ്ഞു. ന്യൂസ് ക്ലിക്ക് എഡിറ്ററേയും എച്ച്.ആർ മേധാവിയയെയും ഡൽഹി പോലീസ് അറസ്റ്റ് ചെയ്തതിൽ വൻ പ്രതിഷേധമാണ് നടക്കുന്നത്.സി.പി.എം ജനറൽ സെക്രട്ടറി സീതരാം യെച്ചൂരിയുടെ വീട്ടിലടക്കം ഇന്നലെ റെയ്ഡ് നടത്തിയിരുന്നു.
റെയ്ഡിനെതിരെ എഡിറ്റേഴ്സ് ഗിൽഡും പ്രതിഷേധമറിയിച്ചിട്ടുണ്ട്.ഇന്ന് വൈകീട്ട് വിവിധ സംഘടനകൾ ഡൽഹിയിൽ പ്രതിഷേധിക്കുന്നുണ്ട്. സംഭവത്തിൽ അപലപിച്ചു കൊണ്ട് എഡിറ്റേർസ് ഗിൽഡ്, പ്രസ് ക്ലബ് ഓഫ് ഇന്ത്യ, കെ.യു.ഡബ്ല്യു.ജെ, ഡി.യു.ജെ എന്നീ സംഘടനകൾ രംഗത്തുവന്നിരുന്നു. സുപ്രിം കോടതി ചീഫ് ജസ്റ്റിസിന് മുമ്പാകെ ഇക്കാര്യം ഉന്നയിക്കാനാണ് മാധ്യമ സംഘടനകളുടെ തീരുമാനം. ഇന്നലെ 46 ഓളം പേരെ ചോദ്യം ചെയത് വിട്ടയച്ചിരുന്നു.
സർക്കാരിനെതിരായി പൗരത്വ ഭേദഗതി നിയമകാലത്ത് എന്തെങ്കിലും തരത്തിലുള്ള വാർത്തകൾ ചെയ്തിട്ടുണ്ടോ കോവിഡ് ഏത് രീതിയിലാണ് റിപ്പോർട്ട് ചെയ്തത്. എന്ത് കൊണ്ട് ന്യൂസ് ക്ലിക്കിൽ ജോലിചെയ്യുന്നു എന്നീ തരത്തിലുള്ള ചോദ്യങ്ങളാണ് മാധ്യമ പ്രവർത്തകരോട് ഡൽഹി പൊലീസ് ചോദിച്ചത്.
