സംസ്ഥാനത്ത് ക്ഷേമ പെന്ഷന് വിതരണം നാളെ മുതല്. രണ്ട് ഗഡുക്കളായി വിതരണം ചെയ്യും. റമദാന് വിഷു ആഘോഷത്തിന് മുന്നോടിയായാണ് പെന്ഷന് വിതരണം. 3200 രൂപ വീതമാണ് ലഭിക്കുന്നത്. റമദാന് വിഷു ആഘോഷങ്ങള്ക്ക് മുന്പായി ആളുകളുടെ കൈയില് പണമെത്തിക്കുമെന്ന് സര്ക്കാര് പറയുന്നത്.
ആറുമാസത്തെ ക്ഷേമ പെന്ഷനായിരുന്നു കുടിശിക ഉണ്ടായിരുന്നത്. രണ്ടു മാസത്തെ തുക വിതരണം ചെയ്യുന്നതോടെ നാല് മാസത്തെ കുടിശിക അവശേഷിക്കും. 62 ലക്ഷം ഗുണഭോക്താക്കളില് മസ്റ്ററിങ് നടത്തിയ മുഴുവന് പേര്ക്കും തുക ലഭിക്കും.ലോക്സഭാ തിരഞ്ഞെടുപ്പ് അടുത്തുനില്ക്കേയാണ് രണ്ട് ഗഡുക്കളുടെ വിതരണം നടത്തുന്നത്.
