കേരളത്തിൽ ഭീകരാക്രമണത്തിന് പദ്ധതിയിട്ടതായി അറസ്റ്റിലായ ഐ എസ് ഭീകരൻ നബീലിന്റെ മൊഴി. ആരാധനാലയങ്ങൾ കൊള്ളയടിക്കാനും നബീൽ ആസൂത്രണം നടത്തിയിരുന്നതായി എൻഐഎ അറിയിച്ചു. നബീലിനെ എന്ഐഎ കസ്റ്റഡിയില് വിട്ടു. ഈ മാസം 16 വരെയാണ് കസ്റ്റഡിയില് വിട്ടിരിക്കുന്നത്.
ഭീകരാക്രമണത്തിന് പദ്ധതിയിട്ടതില് നബീലിന് മുഖ്യ പങ്കെന്ന് എന്ഐഎ കോടതിയില് അറിയിച്ചിരുന്നു.
വിശദമായി ചോദ്യം ചെയ്യാന് ഏഴ് ദിവസത്തെ കസ്റ്റഡിയായിരുന്നു എന്ഐഎ ആവശ്യപ്പെട്ടിരുന്നത്. ആക്രമണ പദ്ധതികളുടെ ധനസമാഹരണ ചുമതലയും, ആസൂത്രണവും നിര്വഹിച്ചിരുന്നവരില് ഒരാള് നബീലാണ്. നേരത്തെ മലയാളി ഐഎസ് ഭീകരരായ ആഷിഫും, ഷിയാസ് സിദ്ദിഖും പിടിയിലായിരുന്നു.
