മഞ്ചേശ്വരം തെരഞ്ഞെടുപ്പ് കോഴക്കേസില് ബിജെപി. സംസ്ഥാന അധ്യക്ഷന് കെ. സുരേന്ദ്രന് ഉള്പ്പെടെ ആറ് പ്രതികളും ഇന്ന് കോടതിയില് ഹാജരാകും. കാസര്കോട് ജില്ലാ സെഷന്സ് കോടതിയിലാണ് മുഴുവന് പ്രതികളും ഹാജരാവുക. കേസില് നിന്ന് ഒഴിവാക്കണമെന്നാവശ്യപ്പെട്ട് നല്കിയ വിടുതല് ഹര്ജി പരിഗണിക്കുമ്പോഴാണ് കെ.സുരേന്ദ്രനടക്കമുള്ള പ്രതികളോട് ഹാജരാവാന് കോടതി നിര്ദ്ദേശം നല്കിയത്.
2021ലെ നിയമസഭ തെരഞ്ഞെടുപ്പില് മഞ്ചേശ്വരത്തെ ബിഎസ്പി സ്ഥാനാര്ഥിയായ സുന്ദരക്ക് സ്ഥാനാര്തിത്വംപിന്വലിക്കാന് രണ്ടര ലക്ഷം രൂപയും സ്മാര്ട്ട് ഫോണും നല്കിയെന്നും ഭീഷണിപ്പെടുത്തിയെന്നുമാണ് കേസ്.സുരേന്ദ്രനെ കൂടാതെ യുവമോര്ച്ച മുന് സംസ്ഥാന ട്രഷറര് സുനില് നായിക്ക്, ബിജെപി മുന് ജില്ല അധ്യക്ഷന് കെ.കെ. ബാലകൃഷ്ണ ഷെട്ടി, നേതാക്കളായ സുരേഷ് നായിക്, കെ.മണികണ്ഠ റൈ, ലോകേഷ് നോണ്ട എന്നിവരാണ് കേസിലെ മറ്റ് പ്രതികള്.
