ഈ വര്ഷത്തെ ആദ്യ ന്യൂനമര്ദ്ദം തെക്ക് കിഴക്കന് ബംഗാള് ഉള്കടലില് രൂപപ്പെട്ടു. അടുത്ത രണ്ട് ദിവസത്തിനുള്ളില് ശക്തി കൂടിയ ന്യൂനമര്ദ്ദമായി മാറി പടിഞ്ഞാറു-വടക്ക് പടിഞ്ഞാറു ദിശയില് സഞ്ചരിച്ചു തുടര്ന്നുള്ള മൂന്ന് ദിവസത്തിനുള്ളില് ശ്രീലങ്ക തീരത്തേക്ക് നീങ്ങാന് സാദ്ധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.നിലവിലെ നിഗമന പ്രകാരം ഈ മാസം അവസാനവും ഫെബ്രുവരി ആദ്യവും തെക്കന് കേരളത്തില് മഴക്ക് സാദ്ധ്യതയുണ്ട്.
കേരള-കര്ണാടക-ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.ശ്രീലങ്കന് തീരത്തോട് ചേര്ന്നുള്ള തെക്കന് ബംഗാള് ഉള്ക്കടലിന്റെ മധ്യ ഭാഗങ്ങളില് മണിക്കൂറില് 40 മുതല് 45 കിലോമീറ്റര് വരെ വേഗതയിലും ചില അവസരങ്ങളില് 55 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാദ്ധ്യത.
