മണിപ്പൂരില് പലയിടത്തും സംഘര്ഷാവസ്ഥ തുടരുന്നു. സംഘര്ഷത്തെ തുടര്ന്നുണ്ടായ വെടിവെപ്പില് ഏഴ് പേര്ക്ക് പരിക്കേറ്റു. സൈനികന്റെ അമ്മയടക്കം നാല് പേരെ കലാപകാരികള് തട്ടിക്കൊണ്ടുപോയിരുന്നു. ഈ സാഹചര്യത്തിലാണ് സംഘര്ഷമുണ്ടായത്. തട്ടിക്കൊണ്ടുപോയവരെ കണ്ടെത്താന് അടിയന്തര നടപടി വേണമെന്ന് കരസേന ആവശ്യപ്പെട്ടു. കഴിഞ്ഞ ദിവസം മണിപ്പൂരിലെ ഇംഫാലില് വീണ്ടും ആയുധം കൊളളയടിക്കാന് ശ്രമം നടന്നിരുന്നു.
രാജ്ഭവന് സമീപമുള്ള ഐആര്ബി ക്യാംപിലേക്ക് ആള്ക്കൂട്ടം ഇരച്ചു കയറി. ജനക്കൂട്ടത്തിന് നേര്ക്കുണ്ടായ പൊലീസ് വെടിവെപ്പില് 3 പേര്ക്ക് പരിക്കേറ്റിരുന്നു. തുടര്ന്ന് ഇംഫാലില് വീണ്ടും കര്ഫ്യൂ ഏര്പ്പെടുത്തി. ക്യാംങ്പോപി ജില്ലയിലാണ് കുക്കിസംഘടന 48 മണിക്കൂര് ബന്ദ് നടത്തിയത്.
