തിരുവനന്തപുരം :സംസ്ഥാനത്ത് അതിശക്തമായ മഴ തുടരുന്നു.ഇന്ന് മൂന്ന് ജില്ലകളില് റെഡ് അലര്ട്ട് പ്രഖ്യാപിച്ചു.കോഴിക്കോട്,വയനാട് ,കണ്ണൂര് എന്നീ ജില്ലകളിലാണ് റെഡ് അലര്ട്ട് പ്രഖ്യാപിച്ചിരിക്കുന്നത്.അതേസമയം തൃശൂര്,മലപ്പുറം,കാസര്കോട് ജില്ലകളില് ഓറഞ്ച് അലര്ട്ടും പ്രഖ്യാപിച്ചിട്ടുണ്ട്.മറ്റ് ജില്ലകളില് യെല്ലോ അലര്ട്ടാണ്.
ഏറ്റവും പുതിയ റഡാര് ചിത്രം പ്രകാരം കോഴിക്കോട്, കണ്ണൂര് ജില്ലകളില് വരും മണിക്കൂറില് ഇടിമിന്നലോടു കൂടിയ ഇടത്തരം/ശക്തമായ മഴയ്ക്കും മണിക്കൂറില് 50 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു.കേരള തീരത്ത് ഇന്ന് രാത്രി 8.30 വരെ 3.4 മുതല് 4.2 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു .
ബംഗാള് ഉള്ക്കടലിന് മുകളിലായി ഇന്ന് മറ്റൊരു ന്യൂനമര്ദ്ദം കൂടി രൂപപ്പെടാന് സാധ്യതയുള്ളതിനാല് കേരളത്തില് അടുത്ത 5 ദിവസം വ്യാപകമായ മഴയ്ക്ക് സാധ്യതയുണ്ട്. കേരള, ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്കുണ്ട്. മുന്നറിയിപ്പ് പിന്വലിക്കുന്നത് വരെ ബീച്ചുകള് കേന്ദ്രീകരിച്ചുള്ള വിനോദസഞ്ചാരമുള്പ്പെടെയുള്ള എല്ലാ പ്രവര്ത്തനങ്ങളും പൂര്ണ്ണമായി ഒഴിവാക്കേണ്ടതാണ്.
