സംസ്ഥാനത്ത് ഇന്നും ശക്തമായ മഴ തുടരും. നാല് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. കൊല്ലം,പത്തനംതിട്ട, ആലപ്പുഴ,ഇടുക്കി ജില്ലകളിലാണ് ഓറഞ്ച് അലര്ട്ട്.ബാക്കി ജില്ലകള്ക്ക് യെല്ലോ അലര്ട്ടാണ്.
അറബിക്കടലിനു മുകളിലായി സ്ഥിതി ചെയ്യുന്ന ചക്രവാത ചുഴി നാളെയോടെ ന്യൂനമര്ദ്ദമായി ശക്തിപ്രാപിക്കും. ഇതേ തുടര്ന്ന് വരുന്ന അഞ്ച് ദിവസം കൂടി വ്യാപക മഴ തുടരുമെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. കരമന, നെയ്യാര്, വാമനപുരം നദികളില് പ്രളയ മുന്നറിയിപ്പ് നല്കിയിട്ടുണ്ട്.
മഴ തുടരുന്ന പശ്ചാത്തലത്തില് തിരുവനന്തപുരം ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. കേരള സര്വകലാശാല ഇന്ന് നടത്താനിരുന്ന പരീക്ഷകള് മാറ്റിയിട്ടുണ്ട്. അതേസമയം പിഎസ്സി പരീക്ഷകള്ക്ക് മാറ്റമില്ല.
