പാലക്കാട് : വാളയാറില് സഹോദരിമാര് ദുരൂഹ സാഹചര്യത്തില് മരിച്ച കേസിന്റെ തുടര് അന്വേഷണം നടത്താന് സിബിഐയുടെ പുതിയ ടീം.സിബിഐ കൊച്ചി യൂണിറ്റിലെ ഡിവൈഎസ്പി വി എസ് ഉമയുടെ നേതൃത്യത്തിലാണ് അന്വേഷണം.ഇത് സംബന്ധിച്ച റിപ്പോര്ട്ട് സിബിഐ പാലക്കാട് പോക്സോ കോടതിയില് സമര്പ്പിച്ചു. മൂന്ന് മാസത്തിനകം അന്വേഷണം പൂര്ത്തിയാക്കണമെന്നാണ് കോടതി നല്കിയിട്ടുളള നിര്ദേശം.
തിരുവനന്തപുരം സിബിഐ സ്പെഷ്യല് ക്രൈം സെല് ഓഫീസറുടെ നേതൃത്വത്തില് സമര്പ്പിച്ച കുറ്റപത്രത്തില് ആവശ്യമായ കണ്ടെത്തലുകള് ഇല്ലെന്നും കൂടുതല് അന്വേഷണം വേണമെന്നുളള നിരീക്ഷണത്തിന്റെയും അടിസ്ഥാനത്തിലാണ് ഓഗസ്റ്റ് 10ന് കേസില് തുടരന്വേഷണത്തിന് പാലക്കാട് സ്പെഷ്യല് പോക്സോ കോടതി ഉതതരവിട്ടത്.
ക്രൈംബ്രാഞ്ച് കുറ്റപത്രത്തില് പറയുന്ന അതേ കാര്യങ്ങള് തന്നെയാണ് സിബിഐ കുറ്റപത്രത്തിലും ഉളളതെന്ന വിമര്ശനവും കുടുംബം ഉന്നയിച്ചിരുന്നു. സിബിഐ തുടരന്വേഷണം കേരളത്തിന് പുറത്ത് നിന്നുളള ഉദ്യോഗസ്ഥന്റെ നേതൃത്വത്തില് വേണമെന്ന ആവശ്യം വാളയാര് പെണ്കുട്ടികളുടെ അമ്മ ഉന്നയിക്കുകയും സിബിഐ ഡയറക്ടര്ക്കും കേന്ദ്ര ആഭ്യന്തര മന്ത്രിക്കും നിവേദനം നല്കുകയും ചെയ്തിരുന്നു. തുടരന്വേഷണത്തിന്റെ പുരോഗതി ഉടന് അറിയിക്കണമെന്ന കോടതിയുടെ നിര്ദേശത്തെതുടര്ന്നാണ് സിബിഐ റിപ്പോര്ട്ട് നല്കിയത്.