കാസര്കോട്:കരിങ്കൊടി പ്രതിഷേധങ്ങള്ക്കിടെ മുഖ്യമന്ത്രി ഇന്ന് കാസര്കോട് അഞ്ച് പൊതുപരിപാടികളില് പങ്കെടുക്കും. സുരക്ഷ ഉറപ്പുവരുത്തുന്നതിനായി 911 പൊലീസുകാരെ വിന്യസിച്ചിട്ടുണ്ട്. കാസര്കോട് ജില്ലയ്ക്ക് പുറമേ നാല് ജില്ലകളില് നിന്നുള്ള പൊലീസുകാരെ കൂടി സുരക്ഷയ്ക്കായി വിന്യസിച്ചിട്ടുണ്ട്.
14 ഡിവൈഎസ്പിമാരും സുരക്ഷ ചുമതലയില് ഉണ്ട്. കാസര്കോഡ് ജില്ലാ പൊലീസ് മേധാവിയുടെ ചുമതലയിലാണ് സുരക്ഷ ഒരുക്കിയിരിക്കുന്നത്. അതേസമയം മുഖ്യമന്ത്രിയുടെ പരിപാടികളില് കറുപ്പിന് വിലക്കില്ലെന്ന് പൊലീസ് അറിയിച്ചിട്ടുണ്ട്.
