ഹൈക്കോടതിയിലെ ഗവര്ണറുടെ സ്റ്റാന്ഡിംഗ് കൗണ്സലായി അഡ്വ.ഗോപകുമാരന് നായര് ഇന്ന് പ്രവര്ത്തനമാരംഭിക്കും. സുപ്രീംകോടതിയിലടക്കം പ്രാഗല്ഭ്യം തെളിയിച്ച സീനിയര് അഭിഭാഷകനായ ഗോപകുമാരന് നായരെ വിസിമാരുടെ ഹര്ജികളിലടക്കം പോരാട്ടം കടുപ്പിക്കുന്നതിന്റെ ഭാഗമായാണ് ഗവര്ണറുടെ പുതിയ നിയമോപദേശകനായി രാജ് ഭവന് നിയമിച്ചത്.
കഴിഞ്ഞ ദിവസം മുന് സ്റ്റാന്ഡിംഗ് കൗണ്സല് അഡ്വ. എം.യു വിജയ ലക്ഷ്മിയും നിയമോപദേശകന് അഡ്വ. ജാജു ബാബുവും രാജി വെച്ചിരുന്നു. വൈസ് ചാന്സലര്മാരെ പുറത്താക്കാനുള്ള ഗവര്ണറുടെ നീക്കത്തിന് ഇന്നലെ ഹൈക്കോടതിയില് നിന്നും തിരിച്ചടി നേരിട്ടിരുന്നു.
