സ്കൂള് തുറക്കലുമായി ബന്ധപ്പെട്ട് പൊതു വിദ്യാഭ്യാസ വകുപ്പിന്റെ സമ്ബൂര്ണ്ണ യോഗം ഇന്ന്. തിരുവനന്തപുരം ശിക്ഷക് സദനില് വിദ്യാഭ്യാസമന്ത്രി വി ശിവന്കുട്ടിയുടെ അധ്യക്ഷതയിലാണ് യോഗം ചേരുന്നത്.പൊതു വിദ്യാഭ്യാസ പ്രിന്സിപ്പല് സെക്രട്ടറി, ഡയറക്ടര് തുടങ്ങിയ ഉദ്യോഗസ്ഥര് യോഗത്തില് പങ്കെടുക്കും.
പ്രവേശനോത്സവം, എസ്എസ്എല്സി – പ്ലസ് ടു ഫലങ്ങള്, പ്ലസ് ടു പ്രവേശനം, സ്കൂള് കെട്ടിടങ്ങളുടെ അറ്റകുറ്റപ്പണി, ഹയര്സെക്കന്ഡറി അധ്യാപകരുടെ സ്ഥലംമാറ്റം തുടങ്ങിയ കാര്യങ്ങള് യോഗത്തില് ചര്ച്ചയാകും. രാവിലെ 10:30നാണ് യോഗം ചേരുക.വേനലവധിക്ക് ശേഷം ജൂണ് ഒന്നിന് തന്നെ സ്കൂള് തുറക്കുമെന്നും മന്ത്രി അറിയിച്ചിരുന്നു.
ഈ വര്ഷത്തെ എസ്എസ്എല്സി പരീക്ഷാ ഫലം മെയ് 20 ന് പ്രസിദ്ധീകരിക്കും. മെയ് 25 നാണ് പ്ലസ് ടു പരീക്ഷാഫലം പ്രഖ്യാപിക്കുക.ഈ വര്ഷം 4,19,362 റഗുലര് വിദ്യാര്ഥികളും 192 പ്രൈവറ്റ് വിദ്യാര്ത്ഥികളുമാണ് എസ്എസ്എല്സി പരീക്ഷ എഴുതിയത്. ഹയര് സെക്കന്ഡറിയില് 4,42,067 വിദ്യാര്ഥികളാണ് പരീക്ഷ എഴുതിയത്.
