ന്യൂഡല്ഹി: ദീപാവലി ആഘോഷങ്ങളോടനുബന്ധിച്ച് പ്രധാനമന്ത്രി നരേന്ദ്ര മോദി കേദാര്നാഥ് ശിവക്ഷേത്രത്തിലെത്തി പ്രാര്ത്ഥനകളില് പങ്കെടുത്തിരുന്നു ശേഷം കേദാര്നാഥിന് സമീപത്തെ ഇന്ത്യാ-ചൈനാ അതിര്ത്തിയിലെ ഹര്സില് പട്ടാള ക്യാമ്ബിലെത്തുകയായിരുന്നു. സൈനികരുമായി സംസാരിച്ച അദ്ദേഹം ദീപാവലി ആശംസകള് അര്പ്പിക്കുകയും എല്ലാവര്ക്കും മധുരം വിളമ്ബുകയും ചെയ്തു.
‘ദീപാവലി പ്രകാശങ്ങളുടെ ആഘോഷമാണ്, പ്രകാശം ഇരുട്ടിനെയും ഭയത്തിനെയും അകറ്റുന്നു. അതിര്ത്തിയില് ജോലി ചെയ്യുന്നതിലൂടെ രാജ്യത്തിന്റെ സുരക്ഷയും സമാധാനവും മാത്രമല്ല 125 കോടി ജനങ്ങളുടെ സ്വപ്നങ്ങള് കൂടിയാണ് നിങ്ങള് സംരക്ഷിക്കുന്നത്’ മോദി സൈനികരോട് പറഞ്ഞു.
കഴിഞ്ഞ ദിവസം രാത്രി ഇസ്രയേല് പ്രസിഡന്റ് ബെഞ്ചമിന് നതന്യാഹു പ്രധാനമന്ത്രിക്ക് ദീപാവലി ആശംസകളര്പ്പിച്ച് ട്വീറ്റ് ചെയ്തത് വാര്ത്തയായിരുന്നു. ഇന്ന് രാവിലെ ജനങ്ങള്ക്ക് ആശംസകളറിയിച്ചുകൊണ്ട് മോദി ട്വീറ്റ് ചെയ്തിരുന്നു.
