മോതിഹാരി: സിബിഐ ഉദ്യോഗസ്ഥന് ചമഞ്ഞ് പണം തട്ടിയ കേസില് ഒരാള് അറസ്റ്റില്. ബിഹാറിലെ മോതിഹാരിയിലാണ് സംഭവം. സിബി ഐയിലെ ഉന്നത ഉദ്യോഗസ്ഥനാണെന്ന് പറഞ്ഞ് നിരവധി പേരില് നിന്നായി ഇയാള് പണം തട്ടിയെന്നും പോലീസ് പറഞ്ഞു.
25കാരനായ പ്രതി അമോല് കുമാര് എന്ന പേരിലാണ് മറ്റുള്ളവരെ പരിചയപ്പെട്ടത്. പോലീസ് നടത്തിയ പരിശോധനയില് ഐഡന്റിറ്റി കാര്ഡ്, വ്യാജ സീല്, അഞ്ച് ലക്ഷം രൂപ എന്നിവ കണ്ടെത്തി.
ജോലി വാഗ്ദാനം ചെയ്ത് നിരവധിപേരെ ഇയാള് കബളിപ്പിക്കുകയും ചെയ്തിരുന്നു. കേസെടുക്കുമെന്ന് ഭീഷണിപ്പെടുത്തി ഇയാള് നിരവധി പേരില് നിന്നും പണം തട്ടിയെന്നും പോലീസ് അറിയിച്ചു.
വിവിധ വകുപ്പുകള് ചുമത്തി ഇയാള്ക്കെതിരെ കേസ് രജിസ്റ്റര് ചെയ്തുവെന്ന് പോലീസ് വ്യക്തമാക്കി.
