കോന്നി: സംസ്ഥാനത്ത് ബിജെപിക്കെതിരെ ചിലര്‍ ഭയപ്പാടിന്‍റെ രാഷ്ട്രീയം നടത്തുന്നുവെന്ന് ബിജെപി സംസ്ഥാന അധ്യക്ഷന്‍ പി.എസ്. ശ്രീധരന്‍പിള്ള. കോന്നിയില്‍ കെ. സുരേന്ദ്രന്‍റെ തെരഞ്ഞെടുപ്പ് റാലിയില്‍ സംസാരിക്കുകയായിരുന്നു അദ്ദേഹം.
‘എല്ലാ വഴികളും സുരേന്ദ്രനിലേക്ക് എന്ന നിലയില്‍ കോന്നിയിലെ സാഹചര്യം മാറിയിട്ടുണ്ട്. ബിജെപി അനുകൂല നിലപാടാണ് മണ്ഡലത്തിലെ ജനങ്ങളുടേത്. കോന്നിയിലെ ക്രൈസ്തവ വോട്ടുറപ്പിക്കാന്‍ മതനേതൃത്വങ്ങളെ കണ്ടിരുന്നു. കോന്നിയിലടക്കം എല്ലാവരുടെയും പിന്തുണ ലഭിക്കുമെന്ന് ഉറപ്പായിട്ടുണ്ട്.’ – ശ്രീധരന്‍പിള്ള പറഞ്ഞു.
തുഷാര്‍ വെള്ളാപ്പള്ളിയുടെ തോല്‍വി പ്രവചനം ഓരോരുത്തരുടെയും വിലയിരുത്തലായി കണ്ടാല്‍ മതിയെന്നും പാലായില്‍ ബിഡിജെഎസ് വോട്ട് മറിച്ചെന്ന ആരോപണം ബിജെപി ഉന്നയിച്ചിട്ടില്ലെന്നും ശ്രീധരന്‍പിള്ള പറഞ്ഞു.
