സിനിമ തിരക്കഥ തയാറാക്കുന്നതില് സഹായിയായി ജോലി നല്കാമെന്ന് വാഗ്ദാനം ചെയ്ത് യുവതിയെ ലൈംഗികമായി പീഡിപ്പിച്ച കേസില് സംവിധായകന് ചമഞ്ഞ യുവാവ് അറസ്റ്റില്. പൊന്നാനി ചിറക്കല് ബിയ്യം സ്വദേശി സുഭാഷ് മന്ത്ര(35)യെയാണ് പോലീസ് അറസ്റ്റ് ചെയ്തത്. പെരുമ്ബാവൂര് സ്വദേശിനിയായ യുവതിയുടെ പരാതി പ്രകാരം ഏപ്രില് അവസാനം കേസ് രജിസ്റ്റര് ചെയ്ത് അന്വേഷണം നടത്തിവരവേ പ്രതി വെള്ളിയാഴ്ച എറണാകുളത്തുനിന്ന് പിടിയിലാവുകയായിരുന്നു.
പുക്കാട്ടുപടിയിലുള്ള ഫ്ലാറ്റിലായിരുന്നു പരാതിക്ക് ആസ്പദമായ സംഭവം. പല ന്യൂ ജനറേഷന് സിനിമകളുടേയും അണിയറ പ്രവര്ത്തകനാണെന്ന് പറഞ്ഞാണ് ഇയാള് പെണ്കുട്ടികളെ വശീകരിച്ചിരുന്നത്. എന്നാല് സ്വന്തമായി ഇതുവരെ ഒരു സിനിമയിലും ഇയാള് ഭാഗഭാക്കായിരുന്നില്ല എന്ന് അന്വേഷണത്തില് വ്യക്തമായതായി പോലീസ് പറഞ്ഞു.