കൊവിഡ് ബാധിതരുടെ എണ്ണം വർധിക്കുന്ന സാഹചര്യത്തിൽ റെയിൽവേ തയാറാക്കിയ ഐസോലേഷൻ കോച്ചുകൾ രാജ്യത്തെ 215 റെയിൽവേ സ്റ്റേഷനുകളിലേക്ക് കൂടി വ്യാപിപ്പിക്കാൻ ധാരണ. ഇതു സംബന്ധിച്ച മാർഗനിർദേശങ്ങൾ കേന്ദ്ര ആരോഗ്യമന്ത്രാലയം പുറപ്പെടുവിച്ചു. കൊവിഡ് 19 ആശുപത്രികളുമായി സഹകരിച്ചാവും കൊറോണ കെയർ സെന്ററുകൾ പ്രവർത്തിക്കുക. എന്നാൽ, ഈ സംവിധാനം എത്തിക്കുന്ന സംസ്ഥാനങ്ങളുടെ പട്ടികയിൽ കേരളം ഉൾപ്പെട്ടിട്ടില്ല.
ഐസോലേഷൻ കോച്ചുകളിൽ പ്രവർത്തിക്കുന്ന കൊറോണ കെയർ സെന്ററുകളിൽ വൈറസ് ബാധ സംശയിക്കുന്നവരെയോ രോഗത്തിന്റെ പ്രാരംഭ ലക്ഷണങ്ങൾ പ്രകടിപ്പിക്കുന്നവരെയോ ആയിരിക്കും പ്രവേശിപ്പിക്കുക. വൈറസ് ബാധ സ്ഥിരീകരിച്ചവരെ പാർപ്പിക്കാനുള്ള പ്രത്യേക കോച്ചുകളും റെയിൽവേ ഐസൊലേഷനുകളിലെ കൊറോണ കെയർ സെന്ററുകളിലുണ്ടാവും.
