മോസ്കോ: റഷ്യന് ലോകകപ്പിന് ഒരു ദിവസം മാത്രം ശേഷിക്കെ ഇറാനെ പ്രതിരോധത്തിലാക്കി അന്താരാഷ്ട്ര ബ്രാന്ഡായ നൈക്കി രംഗത്ത്. ഇറാന് ഫുട്ബോള് താരങ്ങള്ക്ക് കാലില് അണിയാനുള്ള ബൂട്ട് വിതരണം ചെയ്യാനാവില്ലെന്ന് നൈക്കി അറിയിച്ചു. ഇറാനെതിരെയുള്ള യുഎസ് സാമ്പത്തിക ഉപരോധമാണ് നൈക്കിയുടെ പിന്മാറ്റത്തിന് കാരണമായത്.
മൊറോക്കോയ്ക്കെതിരായ ആദ്യ മത്സരം വെള്ളിയാഴ്ച ആരംഭിക്കാനിരിക്കേ ഇറാന് താരങ്ങളുടെ ബൂട്ടിന്റെ കാര്യത്തില് ഇതുവരെ തീരുമാനമായില്ല. നൈക്കിയുടെ തീരുമാനത്തില് പ്രതിഷേധവുമായി ഇറാന് താരങ്ങളും പരിശീലകനും രംഗത്തെത്തി. പ്രശ്ന പരിഹാരത്തിന് ഫിഫ ഇടപെടണമെന്ന് ഇറാന് പരിശീലകന് കാര്ലോസ് ക്വീറോസ് ആവശ്യപ്പെട്ടു. പക്ഷേ, ഫിഫ ഇതുവരെ പ്രതികരിച്ചിട്ടില്ല.