ന്യൂഡല്ഹി: രാജ്യത്ത് കോവിഡ് രോഗികളുടെ എണ്ണത്തില് ആശങ്കാജനകമായ വര്ധന. മൂന്ന് ദിവസത്തിനിടെ ഒരു ലക്ഷം കോവിഡ് കേസുകളാണ് രാജ്യത്ത് റിപ്പോര്ട്ട് ചെയ്തത്. ഇതോടെ രാജ്യത്ത് കോവിഡ് രോഗികളുടെ എണ്ണം ഏഴ് ലക്ഷത്തില്നിന്ന് എട്ട് ലക്ഷത്തിലേക്ക് കുതിച്ചുയര്ന്നു. നിലവില് 8,01,286 പേര്ക്കാണ് രാജ്യത്ത് കോവിഡ് സ്ഥിരീകരിച്ചത്.
രാജ്യത്ത് കൂടുതല് കോവിഡ് രോഗികള് ഉള്ളത് മഹാരാഷ്ട്രയിലാണ്. 2,30,599 പേര്ക്കാണ് മഹാരാഷ്ട്രയില് രോഗം സ്ഥിരീകരിച്ചത്. തമിഴ്നാട്ടില് 1,30,261 പേര്ക്കും ഡല്ഹിയില് 1,07,051 പേര്ക്കും കോവിഡ് സ്ഥിരീകരിച്ചു. എട്ട് സംസ്ഥാനങ്ങളിലായാണ് രാജ്യത്തെ സജീവമായ കോവിഡ് കേസുകളില് 90 ശതമാനവും. ഇതില് 49 ജില്ലകളിലായാണ് രാജ്യത്തെ 80 ശതമാനവും കോവിഡ് കേസുകള് റിപ്പോര്ട്ട് ചെയ്തിരിക്കുന്നത്.