രാഹുല് മാങ്കൂട്ടത്തില് എംഎല്എയ്ക്കെതിരായ പരാതികളില് സമ്മര്ദത്തിലായി കോണ്ഗ്രസ് ഹൈക്കമാന്ഡ്. പരാതികള് ഹൈക്കമാന്ഡിലേക്കും എത്തിയതോടെയാണ് സമ്മര്ദത്തിലായത്. ചര്ച്ചകളില് ഹൈക്കമാന്ഡിനെ വലിച്ചിഴച്ചതില് അതൃപ്തി പുകയുന്നുണ്ട്.
വിഷയം ദേശീയതലത്തില് ബിജെപി ആയുധമാക്കുമോ എന്നാണ് പാര്ട്ടി ദേശീയ നേതൃത്വത്തിന്റെ ആശങ്ക. വിഷയത്തില് കേരളം തുടര്നടപടികള് എത്രയുംവേഗം എടുക്കണം എന്നാണ് നിര്ദേശം. കേരളത്തില് എത്തുന്ന കെ സി വേണുഗോപാല് നേതാക്കളുമായി സംസാരിക്കുമെന്നാണ് വിവരം.രാഹുല് മാങ്കൂട്ടത്തിലിനെതിരെ കെപിസിസി നേതാവിനും രാഹുല് ഗാന്ധിക്കും പ്രിയങ്കാ ഗാന്ധിക്കും പരാതി നല്കിയ പെണ്കുട്ടിയെ കണ്ടെത്താനാണ് പൊലീസ് നീക്കം.
കെപിസിസി പ്രസിഡന്റ് കൈമാറിയ പരാതിയിലെ ഇമെയില് കേന്ദ്രീകരിച്ച് അന്വേഷിക്കാനാണ് പൊലീസ് ശ്രമിക്കുന്നത്. പെണ്കുട്ടി മൊഴി നല്കാന് തയ്യാറായാല് പ്രത്യേക കേസെടുത്തും. പരാതി ഉടന് ഡിജിപി എഡിജിപിക്ക് കൈമാറും. ഈ പരാതിയും പ്രോസിക്യൂഷന് കോടതിയില് ഉന്നയിക്കും. രാഹുല് മാങ്കൂട്ടത്തില് സ്ഥിരം കുറ്റവാളിയാണെന്ന് കോടതിയെ ധരിപ്പിക്കും
