ബ്രസീലിലെ ബെലെമില് നടക്കുന്ന യുഎന് കാലാവസ്ഥാ ഉച്ചകോടിയില് വന് തീപ്പിടുത്തം. ഉച്ചകോടി പവലിയന് സമീപമാണ് തീപിടിച്ചത്. ഷോര്ട്ട് സര്ക്യൂട്ടാണ് തീപ്പിടുത്തത്തിന് കാരണമെന്നാണ് പ്രാഥമിക വിവരം. കേന്ദ്ര പരിസ്ഥിതി മന്ത്രിയും ഇന്ത്യയില് നിന്നുള്ള 20 മാധ്യമപ്രവര്ത്തകരും അടക്കം ഉച്ചകോടിക്കെത്തിയിരുന്നു. COP-30 ല് പങ്കെടുക്കുന്ന രാജ്യങ്ങളില് നിന്നുള്ളവരാണ് യുഎന് കാലാവസ്ഥാ ഉച്ചകോടിയില് ആതിഥേയത്വം വഹിക്കുന്നത്.
അഗ്നിശമന സേനാംഗങ്ങള് എത്തി തീ നിയന്ത്രണവിധേയമാക്കുകയാണ്. സംഭവത്തില് ആര്ക്കും പരുക്കേറ്റിട്ടില്ലെന്നാണ് റിപ്പോര്ട്ടുകള്.
